+243 815 677 058   [email protected] Monusco iramagana amagambo ahembera urwango akomje gukorerwa Abanyamulenge
Mon. Dec 16th, 2019

Mulenge Press Channel

Monusco iramagana amagambo ahembera urwango akomje gukorerwa Abanyamulenge

KINSHASA, DR CONGO:-  Bwambere kuva intambara yatangira mu karere k’imisozi miremire ya Minembwe, Monusco yamagana amagambo ahembera inzangano akomeje gukorerwa Abanyamulenge. Iyi ntambara ikaba imaze igihe kirenga imyaka ibiri, abantu babarirwa mu majana bamaze kuhasiga ubuzima, imihana ikababakaba 200 ikaba yaratwitswe, ndetse n’inka zishika ku 35000 zikaba zaranyazwe izindi zirapfa.

Ingaruka z’intamba zimaze kuba ninshi ku baturage baturiye kariya karere; kur’ubu Minembwe yonyine imaze kwakira impunzi zirenga 45000, ubuzima bukomeje kuba bubi cane kubera ko ubuzima bwa buri munsi bwahagaze. Abaturage batwikwiwe ibyabo, ku bagifite inka zo kuragira ntibabona aho baziragira bitewe nuko abaturage bazengurutswe n’abarwanyi ba Mai Mai.

Ku munsi w’ejo hashize, ku minsi 11/11/2019, imiryango y’impunzi ishika 80 nibwo yashitse muri Uvira ivuye Bijombo. Aba bakaba baraje biyongera kuyindi miryango ibarirwa mu majana imaze kuhagera. Sabo bonyine kubera ko abanda bahungira impande zitandunye.

Kur’uyu w’Agatatu, bwambere kuva intambara zitangira, Monusco yamagana  amagambo akomeje gukoreshwa na bamwe mu banyecongo ahembera urwango rukabije ku Banyamulenge. Ibi bikaba byavugiwe mu kiganiro n’abanyamakuru ubwo uwungirije uhagarariye Monusco muri Congo, François Grignon,  yaganiraga n’itangazamakuru akorersheshe ikoranabunga(Video-conference). Yagize ati” Monusco yongeye kubona ibahamya by’ imbwirwaruhame (Discours) zihembera inzangano ku baturage b’Abanyamulenge. Ibi ntibyemewe kandi bigomba guhanirwa.”

Ibi bije mu gihe abanyepolitique bamwe bagiye bemeza ko intambra imaze iminsi ibera mu karere k’imisozi miremire ya Fizi-Mwenga-Uvira ari jenoside, nyamara abandi bo bakavuga ko ari intambara z’amoko.

Ibi bikorwa byo kwirukana Abanyamulenge ndetse no kunyaga amatungo yabo bikaba birimo gukorwa n’Abarwanyi ba Mai Mai babifashijwe mo n’inyashamba za Red Tabara. Raporo y’umuryango mpuzamahanga w’akanama gashinzwe umutekano (UN Security Council) yasohotse mu kwezi kwa mbere mu mwaka wa 2016, yemeza ko muri kariya karere hari abarwanyi b’Abarundi batorejwe mu Rwanda ndetse bagafashwa na leta y’ Urwanda mu buryo bw’ibikoresho.

Nubwo iyi raporo yashize mu majwi leta y’uwanda, ariko hari n’ibindi bihamya bigaragaza ibikorwa byo gushigikira imitwe yitwaje ibirwanisho bikozwe na leta y’uburundi. N’ubwo abaturage bakarere aribo bagewaho n’ingaruka zizo ntambara, ariko ababikurikiranira hafi basanga ibibera hariya biganisha ku ntambara y’akarere kwose k’ibihugu byo mu biyaga bigari yeruye.

 

 

 

PLEASE ADVERT WITH US
Sangiza Abandi Inkuru

Leave a Reply

Tanga Ibitekerezo.

Your email address will not be published. Required fields are marked *