+243 815 677 058   [email protected] Minembwe: Ese izamurwa ry’ibeyi ry’ibidandazwa ryaba rishingiye kuki?
Thu. Apr 2nd, 2020

Mulenge Press Channel

Minembwe: Ese izamurwa ry’ibeyi ry’ibidandazwa ryaba rishingiye kuki?

Un petit marché de Minimbwe au Sud-Kivu, 31/01/2011.

MINEMBWE, SUD-KIVU:- Bimwe mu bicuruzwa  byo mukarere ka Minembwe byazamutse ibeyi, ibi bikaba byaratewe n’ikibazo co kuba barabana rimeze nabi; uhereye kuva kwa Mulima ukagera mu Minembwe bivugwa yuko ibarabara rimeze nabi ku buryo imodoka zidashobora kurinyuramo bitewe no gutinya impanuka ndetse n’abagizi ba nabi.

Tukimara kumenya aya makuru, urubu www.imurenge.com twaganiriye na Bashambala Jacques, umwe mu bakuriye abadandaza bo mu Madegu avuga ko bitewe n’ikibazo co kuba abadandaza badashobora kunyuza ibicuruzwa byabo muri iri barabara byatumye bazamura ibeyi kandi ko abasanzwe bikorera ibidandazwa nabo batakiboneka kubera impanvu z’umutekano muke uri mukarere.

Ikindi gikomeje kuvugwa mu byateye izamuka ry’ibeyi, biravugwa yuko ngo ni Imodoka zisanzwe zibazanira ibicuruzwa kuva Bukavu ukagera Uvira; biravugwa yuko izi modoka nazo zazamiye ibeyi ryo guseha ibi bicuruzwa kuva 2.5$ kugera kuri 4$ kubyo bikoreye kugira ngo bigere Uvira gusa.

Tubibutse yuko kuva kwa Mulima ukagera mu Minembwe umufuko umwe w‘ifarine mbere bawikoreraga ku ibihumbi 15 by’amafaranga ya Congo (15000 Francs Congolais), ariko kuri none bivugwa yuko kubera ikibazo c’iri barabara imodoka zishika zitinze kandi n’abasanzwe bikorera imizigo ku mitwe ubu ntibakiboneka kubera umutekano muke uharangwa.Ibi rero bikaba byatumye ibeyi  rizamuka rigera ku bihumbi 24 by‘amafaranga ya Congo (24,000 Francs Congolais) k’umuzigo umwe gusa.

Aba badandaza bavugako iyo ibichuruzwa bishitse mu Minembwe bituma bazamura ibeyi; aha batanze urugero aho bavuze yuko ibenye rimwe ryaguraga amafaranga ijana y’amakongo, ariko kuri none rigeze muri majana abiri (100 – 200 Francs Congolais).

Bashambala akaba yadutangarije yuko ku ruhande rw’abacuruzi ikibazo ko atari ibarabara ahubwo cane cane ko ari umutekano muke w’abacuruzi mugihe bikorera ibyo bateze kugurisha.

Yagize ati: Umutekano nugaruka, byose bizashirwa muburyo.

Uyu muyobozi w’abadandaza mu Minembwe arasaba ubuyobozi bwa komine ya Minembwe ndetse n’abaturage baho guhagurukira ica rimwe  mu gushakisha amahoro n’umutekano.

PLEASE ADVERT WITH US
Sangiza Abandi Inkuru

1 thought on “Minembwe: Ese izamurwa ry’ibeyi ry’ibidandazwa ryaba rishingiye kuki?

  1. Bafite ubwenge buke ninde munyamulenge wagiye mwishamba ngo yifatanya nimitwe iteza umutekano muke ahubwo ndunva babuze ibyo bashinja a Banyamulenge kuko nabonye rapport yabo na rapport ya Banyamulenge reta niba ifite gukemura itabogamye iriya ntambara yoshira reka dusabire akarere amahoro kumana

Leave a Reply

Tanga Ibitekerezo.

Your email address will not be published. Required fields are marked *