+243 815 677 058   [email protected] Minembwe: Ese ibaganiro byabereye i Kinshasa byoba byashimishije abaturage?
Thu. Apr 2nd, 2020

Mulenge Press Channel

Minembwe: Ese ibaganiro byabereye i Kinshasa byoba byashimishije abaturage?

Imbaga y’abantu baje kwakira aba bashitsi...

MINEMBWE, SUD-KIVU:- Ubumwe ni ijambo ryagarutsweho cane mu biganiro byabereye mu Minembwe, kuri kaminuza ya UEMI. Ibi biganiro byahuje abaturage b’akarere ka Minembwe n’intumwa za leta, zaje gutangariza aba baturage ibyavuye mu nama yabereye i Kinshasa, umurwa mukuru wa Republika Iharanira Demokrasi ya Congo; iyi nama yari yahuje abaturage bo mubwoko bw’Abanyamulenge kuva hirya no hino ku isi.

Moise Nyarugabo, deputé national watowe muri territoire ya Uvira wayoboye ibi biganiro akaba yatangiye abwira abaturage ba Minembwe ibyavugiwe muri iyo nama yabereye ku murwa mukuru i Kinshasa, maze aheza bagenzi be barikumwe umwanya. Aba bose bavuze ko bakoze ibishoboka kugira ngo babwire umukuru w’igihugu cya Congo ndetse n’inzego zishinzwe umutekano ibibera mu Minembwe.

Mu bibazo byashikirijwe ubuyobozi muri iyi nama harimo inzara ikomeje kwibasira impuzi z’aka karere ndetse n’ikibazo cy’imyitwarire mibi ivugwa kuri bamwe mu ngabo za leta zikorera mu Minembwe. Nubwo ibi byose byavugiwe muri iyo nama, Moïse Nyarugabo yavuze yuko basabye leta gushaka umuti w’iki kibazo kugira ngo amahoro yongere aboneke mukarere kose ndetse no mugihugu hagati.

Pasteur Mudakikwa ndetse na Dr. Runyambo, abashitsi kuva muri Leta Zunze Ubumwe za Amerika ni bamwe mu bagize itsinda ry’abashitsi bageze mu Minembwe kuva Niposho, ku minsi 29/02/2020. Aba bashitsi bavuze ko bishimiye kubona inshusho z’ababyeyi babo. Bakomeje kwihanganisha aba baturage kubw’ibibazo by’intambara bahuye nabyo ndetse banabereka ko bagikomeje kubazirikana kandi ko banasangiye umubabaro.

Nyuma y‘amagambo y’aba bashitsi abaturage b‘akarere ka Minembwe batumye izi ntumwa za leta kongera kuzabwira ubuyobozi bwa leta ndetse n’umukuru w’igihugu ko bashaka amahoro, kugarurirwa inka zabo zose zanyazwe n’imitwe y’inyeshamba za Mai Mai, kububakira amazu yabo yasenywe niz’inyeshamba ndetse no guhana abasirikare bagize uruhare mu guhohotera abaturage, cane cane ingabo za leta zikorana n’imitwe y’inyeshamba ko bashikirizwa ubutabera.

Tubamenyesha yuko imbaga y’abaturage ba Minembwe yishimiye ibiganiro byakozwe na benewabo bahuriye I Kinshasa kandi ko babona ari intambwe yo kuvuga rumwe kwabo nubwo urugendo rw’amahoro arambye mu karere rukiri rurerure.

Nyuma y’ibi biganiro umukuru wa commune  ya Minembwe, Gad Mukiza Nzabinesha, yasabye aba bashitsi gukora ubuvugizi ahantu hose bashoboye kugira ngo bakumire ikibazo c’inzara kiri mukarere ka Minembwe. Gad yongeye avuga ko bari bategereje infashanyo kuva mu mashirahamwe mpuzamahanga nka PAM ndetse n’andi mashirahamwe y’abagiraneza ariko ngo kubera ikibazo c’ibarabara ritagera mu Minembwe aya mashirahamwe atashoboye kugeza izi mfashanyo kuri aba baturage. Gad yongeye kubwira aba bayobozi ko iyi nfashanyo itazabashikaho vuba mugihe ibi bibazo by’amabarabara bidakemuwe vuba.

Mugusoza ibi biganiro n’aba bashitsi abaturage b’akarere ka Minembwe bashimiye aba bayobozi k’ubwitange bwabo, mu kuza kubagezaho ibyavuye muri iyi nama kandi ko bakomeje ku bazirikana.

Reba AMAFOTO munsi:

Abaturage ba Minembwe..
Bose bahuriye hamwe, aho abaturage bagezwagaho ibyavuye mu nama y’i Kinshasa…
Imbaga y’abantu baje kwakira aba bashitsi…
Dr. Runyambo kuva muri Leta Zunze Ubumwe za Amerika.
Me. Moïse Nyarugabo aganira n’abaturage ba Minembwe…
Abantu bari benshi cane…
Me. Moïse Nyarugabo, yishimiwe n’abaturage.

 

 

 

PLEASE ADVERT WITH US
Sangiza Abandi Inkuru

Leave a Reply

Tanga Ibitekerezo.

Your email address will not be published. Required fields are marked *