+243 815 677 058   [email protected] Kaminuza ya UEMI na Dr. Kaniki Mahota batanze imfashanyo ku baturage ba Minembwe.
Tue. Jun 2nd, 2020

Mulenge Press Channel

Kaminuza ya UEMI na Dr. Kaniki Mahota batanze imfashanyo ku baturage ba Minembwe.

Abaturage bahabwa imbegeti, kuri kaminuza ya EUMI, mu Minembwe...

MINEMBWE, SUD-KIVU: Mu rwego rwo gufasha abaturage ba Minembwe gukumira no kwirinda icorezo c’indwara ya COVID-19, kaminuza ya UEMI (Université Eben-Ezer de Minembwe) k’ubufatanye na Dr. Kaniki Mahota Freddy, utuye muri Leta Zunze Ubumwe za Amerika, batanze imfashanyo z’imbegeti zirenga amagana atatu zitandukanye ku baturage ba Minembwe; ibi byakozwe mu rwego rwo kurwanya virusi ziterwa n’umwanda.

Bamwe mu baturage bahawe iyi mfashanyo, harimo ibigo bitandukanye by’amasomo akorera mu Minembwe, amakanisa ndetse n’amashirahamwe atandukanye akorera mukarere ka Minembwe. Imfashanyo yahawe aba baturage n’ imbegeti zirenga 300, kugira ngo bizafashe aba baturage mu rwego rwo gukaraba intoki mbere yo gutangira imirimo yabo ya minsi yose.

Shefu Gadi Mukiza Nzabinesha, umukuru wa komine ya Minembwe niwe watangije ku mugaragaro iki gikorwa cyo gutanga iyi mfashanyo yatanzwe. Ubwo yaganira ga n’urubuga www.imurenge.com, yavuze ko kuva iki corezo gitangiye kuvugwa hirya no hino mu gihugu, ko bakomeje gusaba imiryango mpuzamahanga itandukanye inkunga yo gufasha abaturage ba Minembwe. Bimwe mubyo basaba iyi miryango ni ibikoresho byo kurwanya indwara ya Corona Virus.

Shefu Mukiza Gadi yavuze ko ngo usibye ubuyobozi bw’intara ya Kivu y’amaj’epfo yabafashije kubaha inkunga y’ibipimo (thèrmoflash), ibyuma bipima ubuzima bw’abaturage mu karere; yavuze yuko ishirahamwe UEMI ndetse na Dr. Freddy Kaniki aribo ba mbere mu bagira neza bashoboye kumva igitekerezo c’abaturage ba Minembwe kugira ngo bashobore kwirinda indwara ya COVID-19. Shefu Nzabinesha Gad akaba yashimiye byimazeho iyi kaminuza ndetse na Dr. Kaniki ku gikorwa bakoze kandi anabasaba gukomeza gukora no gutekereza ibindi bikorwa by’iterambere mukarere ndetse no mu gihugu.

Mukinanyana Yayeri, umwe mu bayobozi b’amatorero yahawe izi mbegeti, yasabye abagore bagenzi be bahawe izi mbegeti kwita cane kw’isuku y’abana kugira ngo bashobore kubarinda iki corezo ca COVID-19 ndetse n’izindi ndwara ziterwa n’isuku nkeya. Yasabye aba bagore gusuzuma abana babo buri kanya ngo kuko umwana iyo akiri muto akunze gukore kuco abonye cose, ariko ko izi mbegeti zizabafasha mu gukorera abana babo isuku.

Hakizimana Rugomba Erick, waserukiye kaminuza ya UEMI mu karere ka Minembwe, yatangarije urubuga www.imurenge.com ko batekereje gufasha akarere ka Minembwe mu buryo bw’isuku; yavuze yuko isuku ariyo banze ryo kurwanya indwara ziterwa n’umwanda ndetse n’indwara ya COVID-19 yugarije isi mur’iki gihe. Yavuze kandi yuko abakozi ba UEMI batangiye kugenda banyura mu mihana itandukanye yo mu karere ka Minembwe kugira ngo bashobore guhugura abantu no kubasobanurire uburyo bazakoresha izi mbegeti zatanzwe n’iri shirahamwe.

Bamwe mu bakozi ba EUMI baja gutanga imbegeti mu mihana itandukanye ya Minembwe…
Abaturage bahabwa imbegeti, kuri kaminuza ya EUMI, mu Minembwe…
Ngizi imbegeti zatanzwe n’ishirahamwe EUMI, abifashijwe mo na Dr. Freddy Mahota Kaniki…
PLEASE ADVERT WITH US
Sangiza Abandi Inkuru

Leave a Reply

Tanga Ibitekerezo.

Your email address will not be published. Required fields are marked *