+243 815 677 058   [email protected] Gentil Misigaro arimo gutegura igitaramo co gufasha abakuwe mu byaba n’intambara zo mu Minembwe
Mon. Dec 16th, 2019

Mulenge Press Channel

Gentil Misigaro arimo gutegura igitaramo co gufasha abakuwe mu byaba n’intambara zo mu Minembwe

Gentil Misigaro, umuhanzi utuye mu gihugu ca Canada.

VANCOUVER, CANADA:- Nyuma yaho intambara zikomeje kwibasira uturere tw’amajepfo tw’intara ya Kivu y’amajepfo, abantu batandukanye bakomeje kwamagana ibyo bikorwa byibasira uburenganzira bw’ikiremwamuntu babicishije ku mbuga nkoranyambaga ndetse no mu nyandiko zitandukanye.

Gentil Misigaro wamenyekanye cane mu ndirimbo zo kuramya imana no guhimbaza imana nka; Biratungana, Buri munsi, Har’imbaraga n’izindi ninshi, yatangiye igikorwa co kwamamaza igitaramo ateganye muri New York co gukusanya inkunga yo gutabara abakuwe mu byabo n’intambara zibasiye akarere yavukiyemo.

Iki gikorwa akaba azagifashwamo n’ishirahamwe Jimbere Fund, ishirahamwe risanzwe rifasha abari n’abategarugore mu karere k’imisozi miremire ya Fizi, Uvira na Mwenga.

Abahanzi bakomoka muri Kivu y’Amajepfo nka; Musabwa Patrick wamenyekanye cane nka Kitoko, Mbonyicambu Israel, kid Gaju, Mujanama Claude (TMC), ndetse n’abandi benshi bo mu mahanga bakaba baramaganye ubwicanyi bukomeje gukorerwa benewabo mu karere k’imisozi miremire ya Minembwe bifashishije hashtag ya Save Mulenge, izina rikunze gukoreshwa hagamijwe kugaragaza akarere abo mu bwoko bw’Abanyamulenge batuyemo.

Gentil Misigaro rero we yabonye ko bidahagije gusa kwamagana ku mbuga nkoranyambaga maze ategura iki gitaramo bitewe nuko asanga abantu¬† bari hariya bakeneye ubufasha bwihutirwa cane ko amazu yabo yatwitswe; bakaba badafite aho barara, nta n’imyambara ndetse n’ibifungurwa. Sibyo gusa ko bakeneye ubuvuzi dore ko indwara zibyorezo zitangiye kugenda zibibasira bitewe n’ubuzima bubi barigucamo.

Igitaramo kikaba giteganyijwe kubera muri leta zunze ubumwe z’America mw’Ivile ya New York ku minsi 08-12-2019. Murico gitaramo hakaba hazokorerwamo igikorwa co kwitanga ndetse n’amafaranga yose azovamwo akaba azoherezwa mu Minembwe kugirango agoboke abari mukaga bicishijwe mw’ishirahamwe rya Jimbere Fund.

Gentil n’umwe mu banyecongo berekeje inzira y’ubuhunzi bahunze zimwe mu ntambara zagiye zibasira igihugu ca DR Congo mu myaka yashize ndetse by’umwihariko zikibasira ubwoko avugamo bw’ Abanyamulenge. Asanga bibabaje kandi biteye agahinda kugeza nanubu intambara zitarashira gusa afite ibyiringiro ko zizoshira maze amarira agashira.

Tegera ikiganiro cose yakoranye na MPC(imurenge.com)

Ategura iki gitaramo, we n’abavandimwe be bo muri Legacy Famly babakaba barakoze indirimbo, Save our People, indirimbo yamagana ubwicanyi bukorerwa benewabo.

kanda hano hasi maze uyitegerwe

Imirwano imaze iminsi yibasiye akarere k’imisozi miremire ya Uvira, Mwenga na Fizi ikaba imaze guhitana abantu babarirwa mu majana, inka zigera ku 45000 zikaba zaranyazwe, ndetse n’imihana myinshi ikaba yaratwitswe.

Ubu bwicanyi bukaba bukomeje kwenyegezwa n’ imitwe yitwara gisirikare ishigikiwe n’ibihugu by’abaturanyi nk’ Urwanda n’Uburundi. Raporo yasohotse mu 2016, ikozwe n’impuguke z’umuryango w’ ubumwe bw’Abibumbye, ivuga ko ibyo bihugu bifasha m’uburyo bwo gushira abarwanyi mur’iyo mitwe ndetse no kubafasha m’uburyo bw’ibikoresho.

PLEASE ADVERT WITH US
Sangiza Abandi Inkuru

Leave a Reply

Tanga Ibitekerezo.

Your email address will not be published. Required fields are marked *