+243 815 677 058   [email protected] Fizi: Nta musirikare wa FARDC wemerewe kwishuza abaturage ifaranga kuri bariyeri (Col. Katembo).
Tue. Jun 2nd, 2020

Mulenge Press Channel

Fizi: Nta musirikare wa FARDC wemerewe kwishuza abaturage ifaranga kuri bariyeri (Col. Katembo).

FIZI, SUD-KIVU:- Ku minsi 29/04/2020 Umuyobozi w’ingabo za leta ya Congo (FARDC) muri segiteri ya 33 y’ingabo za leta, ingabo zikorera mukarere ka Fizi, Colonel Katembo Honoré yatangaje kumugaragaro yuko ari nta musirikare wese mu ngabo ze ayoboye wemerewe kwishuza abaturage amafaranga kuri bariyeri. 

Nkuko uyu muyobozi w’izi ngabo abikesha abanditsi n’abanyamakuru bakorera mukarere ka Fizi ndetse na Uvira, Col Katembo yavuze yuko iri ari itegeko ryatanzwe n’ubuyobozi bumukuri, ariko rikaba ryemejwe na General Akili Mundos ukorera mugace ka Misisi, Nganja. Uyu muyobozi akaba yemeza yuko bibujijwe ko umusirikare wese wa FARDC ukorera mukarere ka Fizi, kandi ko atemerewe kwishuza abaturage banyura ku ma bariyeri atandukanye mukarere ayoboye.

Colonel Katembo yavuze yuko uhereye kuri bariyeri ya Kachanga, iburasirazuba bwa Misisi aho umugenzi wese yasabwa ga amafaranga igihumbi y’ama Congo (1,000 Francs) ariko ko kuri none nta musirikare uzongera kwishuza aba baturage kugeza iri tegeko ryongeye guhangurwa n’ubuyobozi bumukuriye.  Col Katembo yavuze yuko ibi nabyo byerekeye bariyeri iri ku birometeri 17 ahitwa Kotamabanga, Makobola aha hombi ngo naho abaturage bari basanzwe batanga izi faranga, ariko ko kuri none abasirikare bahakorera basabwa kudatangisha abaturage izi faranga.

Nkuko byatangajwe na General Akili Mundos wo muri batayo ya 33 y’ingabo za FARDC, yavuze yuko yatanze iri tegeko kugira ngo borohereze abaturage bose muri ibi bihe bitoroheye abantu benshi ku isi. Yavuze yuko ari nta muturage haba ari abafite za moto, imodoka, amakinga ndetse n’abari kugenza amaguru yabo. Haba ari abatwara ibi tuvuze haruguru cangwe abagenzi basanzwe, ngo ntawemerewe gutanga aya mafaranga.

Tubibutse yuko ubu ataribwo bwa mbere iri tegeko rishizwe ho n’ubuyobozi bwa gisirikare ariko bikavugwa yuko hari bamwe mu bayobozi badakuriza ibyavuye mu buyobozi bubakuriye. aho usanga ngo bamwe mu ngabo basaba abaturage amafaranga y’umurengera, bivugwa yuko utayafite atabwa mu gasho ndetse ngo akishura arenze ayo bamusaba ga. Ese iri tegeko rirashobora gukurikizwa koko! cangwe naryo rizakurwa ho nkuko ayandi yagiye akurwaho?

 

PLEASE ADVERT WITH US
Sangiza Abandi Inkuru

Leave a Reply

Tanga Ibitekerezo.

Your email address will not be published. Required fields are marked *