Sun. Sep 15th, 2019

Mulenge Press Channel

Chef Gad asanga ar’ubujiji, imyigaragambyo yateguwe n’umukuru wa societe civile

MINEMBWE, SUD KIVU:- Umwuka ukomeje kuba mubi mu karere k’imisozi miremire ihanamiye Ubuvira. Mu gihe ntagikozwe hashobora kuvuga imirwano yeruye hagati y’ubgoko bg’Abanyamulenge n’andi moko abazengurutse.

Uyu mwuka mubi ukaba warongeye kuzamuka nyuma yaho Mai Mai Ebuila ifatanyije n’abarwanyi b’Abarundi igabye igitero ku mihana y’Abanyamenge iherereye muri secteur ya Itombwe. Iki gitero kikaba caraguyemo abantu bashika k’8 ku mpande zombi , imihana itari mike iratwikwa ndetse n’inka zitabarika ziranyagwa.

Iyi nyeshamba ya Mai Mai, bakunze kwita Ebuila, ikaba yarigambye iki gitero ndetse ikavuga ko biri muri gahunda yo kurwanya Abanyamulenge dore ko bafite insorere zirimo gukora imyitozo ya gisirikare mur’aka karere.

Ababikurikiranira hafi basanga hari undi mugambi wihishe inyuma cane ko ico gitero casize gitwitse amazu y’abaturage b’inzira karengana, barimo abana, abakecuru  n’abasaza.

Ibi byateye umwuka mubi k’uburyo amoko arimo kugenda ahunga ugutandukanye k’uburyo intambara yeruye y’amako ishobora kwibasira aka karere hatagize igikorwa.

Ku munsi w’ejo mw’ijoro abantu bataramenyekana bateye urugo rw’umuyobozi wa Societe Civile mu Minembwe, akaba ari umugabo ukomoka mu bwoko bw’aba Bembe uzwi kw’izina rya William Etabu wa Roger, maze basiga barashe umugore wari iwe gusa kubg’amahirwe ntiyahasiga ubuzima akaba arimo gukurikiranwa mu bitaro.

Ibi byaje gutuma amoko y’Ababembe, Abafulero, ndetse n’Abanyintu bihuza maze baja gukora imyagaragambyo ku biro bya Monusco basaba ko bakurwa muri Minembwe ndetse bakavuga ko umuntu wabo yarashwe n’abo mu bwoko bg’Abanyamulenge.

Administrateur wa commune ya Minembwe, Chef Nzabinesha Gad, akaba asanga iyi myigaragambyo ari ubujiji. Aganira na imurenge.com yatubwiye ko abaturage mur’aka karere batunze ibirwanisho ari benshi kandi abantu bakomeje gupfa mur’ubwo buryo. Anongeraho ko abarashe uwo mubyeyi ntibaramenyekana.

Kanda hano hasi maze utegere ikiganiro cose chef Gad yakoranye na imurenge.com

Chef Gad Nzabinesha yakomeje adutangariza ko iki kibazo c’umutekano muke mur’aka karere bakigejeje ku nzego zo hejuru; ku ntara ya Sud Kivu ndetse no hejuru yaho. Akaba anavugako ntahandi amahoro yava atari mu biganiro yagize ati” abaturage bategerezwa kwicara hamwe bakavugana.”

Mur’iri joro ryakeye umugore w’Umunyamuelenge wari uteze moto, aturutse mu Mikenke, akaba yaguye muri Mai Mai ikamujana ahantu hataramenyekana. Ibi bikaba byatangajwe na Emmanuel, umusore ukora akazi ko gutwara abagenzi wari utwaye uwo mugore.

Yadutangarije uko byagenze ubwo yaganiraga n’umunyamakuru wacu ukorera mu Minembwe. Yatubwiye ko yafashwe na Mai Mai maze ikamwambura ibyo yarafite, iramukubita imuziza ko akorana n’abanzi babo (Abanyamulenge). Ngo yahise ifata uwo mugore iramusigarana maze irekura Emmanuel we aragenda amaze kubabwira ko we aturuka mu bwoko bg’Abashi.

Kanda hano hasi utegere Emmanuel aganira na imurenge.com.

Hejuru y’ibiganiro hagati y’amako, ubuyobozi bwa Komini Minembwe busanga leta ikwiye kurasa imitwe yitwaje ibirwanisho yose itayibabariye ndetse bakambura n’abaturage imbunda kugirango amahoro aboneke.

Iki kibazo c’umutekano muke kikaba kimaze imyaka irenga ibiri, akaba ari ikibazo cagize imbaraga kuva aho imitwe yitwaje ibirwanisho ikomoka mu bihugu bituranyi ikomeje kugenda ishinga ibirindiro mur’aka karere.  Ababikurikiranira hafi bakaba basanga umutekano muke mu karere ka Fizi, Mwenga, na Uvira ufitanye isano n’imikino ya politike irimo kubera mu karere k’ibiyaga bigari.

 

Sangiza Abandi Inkuru

1 thought on “Chef Gad asanga ar’ubujiji, imyigaragambyo yateguwe n’umukuru wa societe civile

Leave a Reply

Tanga Ibitekerezo.

Your email address will not be published. Required fields are marked *