+243 815 677 058   [email protected] Byalele, umuhana munini cane w’Abafuliru wahiye
Mon. Dec 16th, 2019

Mulenge Press Channel

Byalele, umuhana munini cane w’Abafuliru wahiye

Byalele, umuhana w'Abafuliru ubwo washaga

MINEMBWE, SUD KIVU:- Imirwano igiye kumara iyinga yongeye kunvikana mu karere ka Minembwe nyuma y’agahengwe k’ urusaku rw’amasasu. Ibitero by’inyeshamba bikaba bikomeje kwibasira abaturage, igisirikare ntikirabasha gukumira no kurandura burundu imitwe yitwaje ibirwanisho ikorera muri kariya karere.

Ku gicamunsi c’uyu munsi w’Akane, ahagana isaha umunani (14h00′), inyeshamba za Mai Mai zagabye ibitero ku mihana itandukanye, nko; mu Masha, Kivumu, Gahwera, ndetse na Gakangara aho bakunze kwita ku Kalege, gusa ibi bitero byaje kuburizwamo n’ingabo za leta k’uruhande rumwe ndetse n’insoresore za Twirwaneye nazo zihangana n’izo nyeshamba k’urundi ruhande.

Amakuru dukesha Bourgoumestre wa komini Minembwe, bwana Nzabinesha Gad, yemeza ko inyeshamba zari zateye ku Kivumu zasubijwe inyuma n’ingabo za leta, naho izindi zaturutse mu zindi mpande zikaba zasubijwe inyuma n”insoresore z’Abanyamulenge zizwi kw’izina rya Twirwaneho.

Umunyamakuru wacu uri mu Minembwe yatubwiye ko abarwanyi ba Mai Mai bari bamaze kwegera cane Minembwe rwagati,bakaba bari bageze aho bita m’Urudabagiza, gusa ntibyaje kubahira kubera ko Twirwane yabashije kubasubiza inyuma.

Umunyamakuru wacu uri mu Minembwe yatubwiye ko ahagana ku isaha icumi z’umugoroba (16h00′) yashobye kurangiza umuhana wa Byalele urimo gusha gusa ntiyabashije kumenya ibyangiritse uko bingana gusa birakekwa ko insoresore z’Abanyamulenege arizo zawutwitse zihimura ku bikorwa byo gutwika no kunyaga inyeshamba za Mai Mai zimaze iminsi zibakorera. Byalele akaba yari umuhana munini cane w’Abafuliru wakekwaga kuba indiri ya Mai Mai.

Imirwano ikaba no k’umunsi w’ejo yarabaye  ubwo nanone abarwanyi ba Mai Mai bateraga umuhana wa Gahwera na Gakangara ariko ingabo za leta zibasubizayo. Iki gitero kikaba cari caraje gikurikira ico Twirwaneho yari yabagabyeho ku munsi w’Akabiri i Manunga ndetse na Bigaragara, nyuma yuko Mai Mai iteye  n’Akazirimwe imihana ya Gakangara, Gahwera, Muruza, na Kabingo.

Amakuru dukesha umuvugizi wa Sosiyete Sivile mu Minembwe, Migabo Bigonyi Léonard, avuga ko kuva mu yinga rishize abantu barenga 10 bamaze kuhasiga ubuzima n’imihana ku mpande zombi iratwikwa.

Umutekano mu karere k’imisozi miremire ya Minembwe ukomeje kuba ingorabahizi nyamara bisa naho ikibazo c’aka karere kimaze kumenyekana n’inzego zose z’igihugu. Ababikurikiranira hafi basanga urugendo rukiri rurerure mu gihe imitwe yitwaje ibirwanisho igikorera muri kariya karere. Bamwe ntibatinya gutunga akatoki igihugu c’urwanda n’Uburundi kuba bwihishe inyuma y’iriya ntambara babinyujije mu mitwe yitwara gisirikare yagiye iremwa na biriya bihugu nka Red Tabara ifatanije na Mai Mai ndetse n’indi.

 

 

PLEASE ADVERT WITH US
Sangiza Abandi Inkuru

Leave a Reply

Tanga Ibitekerezo.

Your email address will not be published. Required fields are marked *