+243 815 677 058   [email protected] Baramagana amajambo yavuzwe n’intumwa ya rubanda Homer Bulakali, Fizi
Mon. Dec 16th, 2019

Mulenge Press Channel

Baramagana amajambo yavuzwe n’intumwa ya rubanda Homer Bulakali, Fizi

FIZI, SUD KIVU:- Sosiyete sivile ya Fizi iramagana yivuye inyuma amajambo yatangajwe n’ intumwa ya rubanda k’urwego rw’intara ya Kivu y’amajepfo, bwana Homer bulakali mwene Bene. Akaba ari amajambo ahemebera amacakubiri yashikirije abaturage ba Fizi ubwo yari yabagendereye ku munsi w’ Iyinga, 1-12-2019.

Mu majambo yavuze, Homer Bulakali, yakanguriye abaturage ba Fizi ko bakwirukana abantu bavuga ururimi rusa n’Ikinyarwanda bacumbikiye [Abanyamulenge]. Ababwira ko batakwihanganira ku bana n’abantu ashinja ubwicanyi bgakorewe Ababembe nka Makobola n’ahandi bityo ababacubikiye bakwiye kubirukana. Aya majambo arimo ubujiji bwinshi ndetse n’urwango yahise yamaganirwa kure bikiri mu maguru masha na sosiyete sivile ya Fizi iyobowe na Apolo Joseph Musambya.

Kanda hano hasi maze utegere ikiganiro MPC yagiranye na Apolo Joseph Musambya

Bamwe mu baturage basaga nkaho bari bakiriye aya magambo n’amaboko yombi gusa byahise bituma haba inama y’igitaraganya yahuje inzego z’ibanze ndetse n’izumutekano.

Umwe mu baturage b’Abanyamulenge uherereye Fizi, yatubwiye ko igisoda cabahumurije kibabwira ko kiribubacungire umutekano gusa ko kitoshira abasirikare kuri buri rugo rw’Umunyamulenge.

Aya majamabo yafashwe na bamwe mu baturage ba Fizi nk’amajambo yo kwikundakazwa ku baturage ba Fizi dore uwo mudepite icama abarizwamo kitari gisanzwe gifite ibyicaro mur’ako karere. Amajambo ahembera inzangano yakomeje kuvugwa cane kuva zino ntamabara zibera mu misozi miremire ya Fizi, Mwenga na Uvira zatangira, cane cane yagiye yibasira abo mu bwoko bw’abanyamulenge.

Ingabo z’umuryango w’abibumbye ziri m’ubutumwa bw’amahoro muri DR Congo ziheruka kwamagana izi mvugo ndetse banavuga ko ababikora bazahanwa n’amategeko. Sosiyete sivile ikorera muri Uvira yo isanga aya magambo akoreshwa n’abantu bashaka imyaya m’ubutegetsi maze bagakoresha imvugo rubanda nyamwinshi yumva cane.

Mu kwezi kw’icenda kw’uyu mwaka, abungeri babiri b’Abanyamulenge barishwe muri Fizi hafi na Baraka, aba bungeri bakaba barishwe impfu z’urubozo n’abantu bataramenyekana gusa banyiri bantu bakeka ko ari Mai Mai.

Uyu mwuka mubi uzamutse aho intambara itangiriye mu karere k’imisozi miremire ya Minembwe, izi ntambara zikaba zarenyegejwe n’imitwe yitwara gisirikare ishigikiwe n’igihugu c’urwanda ndetse n’Uburundi¬† nkuko raporo y’inzobera z’umuryango w’abibumbye ibigaragaza.

 

PLEASE ADVERT WITH US
Sangiza Abandi Inkuru

1 thought on “Baramagana amajambo yavuzwe n’intumwa ya rubanda Homer Bulakali, Fizi

  1. Bulakari not Bulakali,izina niryo muntu.Ubundi bagombye no kumukura kumwanya aeimo kuko ntahagaririye rubanda, ahubwo yabaswe namacakubiri.Kudos to you Fizi population/civil society for taking action yoo kwanga ababeshya ngo ingirwabayobozi.

Leave a Reply

Tanga Ibitekerezo.

Your email address will not be published. Required fields are marked *