+243 815 677 058   [email protected] Abagore babiri b’Abanyamulenge batewe amabuye, Uvira.
Thu. Feb 20th, 2020

Mulenge Press Channel

Abagore babiri b’Abanyamulenge batewe amabuye, Uvira.

UVIRA, SUD-KUVU – Nakabiri, ku minsi 17/12/2019 haravugwa amakuru y’abagore babiri bo mubwoko bw’Abanyamulenge batewe amabuye n’abaturage ba Uvira. Ibi bikaba byarabaye ubwo aba bagore bombi ahagana isaha 12 z’umugoroba ubwo bazaga bari bavuye mu kiliyo c’umuturanyi.

Aba bagore bombi bakaba bazwi ku mazina ya Nyamahoro na mugenzi we witwa Nyankumi, bombi bakaba bakomoka mu bwoko bw’Abanyamulenge batuye mu muji wa Uvura.

Nkuko tubikesha umukuru w’ishirahamwe rivugira abaturage (Societe Civile) bo mubwoko bw’Abanyamulenge batuye mu muji wa Uvira, Moses Ribakare Sazi yabwiye urubuga www.imurenge.com ko impamvu yatumye aba bagore bombi baterwa amabuye n’abaturage itaramenyekana.

Kuko tubikesha bamwe mu baturage batuye muri uyu muji, baremeza yuko umwe muri aba bagore batewe amabuye yakomeretse mu mutwe. Aba bagore bakaba barajanwe kuvurirwa ku bitaro bya United Methodist Hospital bizwi ku izina rya Wanume. Aba bagore bakaba baroherejwe kuri ibi bitaro kugira ngo bisuzumwe n’abaganga; bivugwa yuko umwe muri aba bagore we yatewe ibuye mu mutwe naho mugenzi we aterwa mugituza. Bombi bakimara kuvugwa bivugwa yuko bahise bataha mu mago yabo.

Ibi bikorwa bigayitse bikaba byarabereye ahitwa kuri ICRC / Uvira, ubwo aba bagore bombi bari kumwe n’abandi baturage bo mu moko atandukanye atuye muri uyu muji bagenda mwibarabara nkuko bisanzwe. Imiryango y’aba bagore ikaba yibaza impamvu aba bagore bombi batewe amabuye mugihe abandi baturage bari kumwe batayatewe.

Abantu benshi bakaba banenga ibikorwa bibi bikorerwa abaturage bo mu moko atandukanye. Dore ko bavuga yuko bitumvikana kugira ngo ibi bikorwa bibe mugihe hasigaye amayinga abiri ngo umwaka urangire. Bakaba bavuga yuko atari byiza ko uyu muji wa Uvira urangiza umwaka muri ubu bugome.

PLEASE ADVERT WITH US
Sangiza Abandi Inkuru

2 thoughts on “Abagore babiri b’Abanyamulenge batewe amabuye, Uvira.

  1. Mbega ibintu bibi wee. Birambabaje kabisa kubona abagore barimo kwitambukira mu mahoro bakajya kubatera amabuye. Mutubwire uko twafasha aba bene wacu.
    Murakoze

Leave a Reply

Tanga Ibitekerezo.

Your email address will not be published. Required fields are marked *