+243 815 677 058   [email protected] Ababyeyi babiri biciwe mu Minembwe n’ Iyinga bashinguwe, byari agahinda kavanze n’akababaro
Tue. Jun 2nd, 2020

Mulenge Press Channel

Ababyeyi babiri biciwe mu Minembwe n’ Iyinga bashinguwe, byari agahinda kavanze n’akababaro

MINEMBWE, SUD KIVU:- Ababyeyi babiri biciwe mu karere ka Minembwe, ejo bundi n’ Iyinga ku minsi 19-04-2020, baraye bashinguwe ku gicamunsi c’aka kazirimwe karaye gashize. Urupfu rw’ aba babyeyi rukaba rwarabaye ubwo bari bagiye mu mirima gushaka ibyo kurya maze bahura n’abagizi ba nabi bataramenyekana babica urupfu rw’agashinyaguro.

Nubwo hashinguwe abagore babiri ariko amakuru dukesha umukuru w’iposita ya Minembwe nuko hari nundi musore bari kumwe waburiwe irengero kugeza ubu bakaba batarabasha kumenya nimba akiraho cangwa yarapfuye. Kur’uyu munsi w’Akazirimwe undi mugore mu bari babuze akaba yabonetse gusa igisoda kikaba chahise kimujana m’urwego rwo kugirango atange amakuru ku byaba byarabaye kuri bagenzi be, kugeza ubwo twakoraga iyi nkuru bari bataramurekura.

Umukuru w’iposita ya Minembwe, bwana Nzabinesha Gad, avugana na www. imurenge.com yadutangarije ko asaba iperereza ryigenga kandi rigakorwa n’ abantu baturutse ahandi atari mu Minemmbwe cane ko atarabasha kumva ukuntu abo baturage bishwe kandi hari ika ya gisoda hafi cane naho abo baturage bagiriye ikibazo.

Twagerageje kuvugisha komanda wa burigade ya 12 mu ngabo za FARDC ishinzwe ubutabazi bgihuse, Muhima Dieudonné, maze adusaba ko twavugisha umuvugizi w’igisoda ca FARDC gishinzwe ibikorwa bya Sokola II mu gace k’epfo ka Kivu y’amajepfo, Bwana Kasereka Dieudonné; tumuvugishije atubwira ko ayo makuru yayumvise gusa atarabasha kuyamenya k’uburambuye birto ko nta byinshi afite byo kuyatangazaho.

Impfu z’aba bagore z’ababaje cane Abanyaminembwe k’uburyo ishirwa mu bikorwa ry’ibyo igisoda cari cabemereye ari nk’inzozi. Kuva bahindura ubuyobozi bwa gisirakare bwahakoreraga, ubuyobozi busha bwari bwasabye abaturage ko basubira m’uturere bari batuyemo batarahunga intambara ndetse bakabizeza ko bazobacungira umutekano gusa kur’ubu birasa nibigoye ko igisirikare hari ico cakwongera kubasa.

Ibi rero bikaba bibaye mu gihe hatarashira amezi abiri habaye ibiganiro byo guhosha intambara mw’ivile ya Uvira, akaba ari ibiganiro byahuje imitwe yitwaje ibirwanisho ikorera muri kariya karere ka Sud Kivu, Imitwe myinshi y’abarwanyi yari yitabye iyo ntama, ikaba yari yemeje ko yemeye guhagarika imirwano ndetse n’ibindi bikorwa by’ubugizi bwa nabi by’ ibasira inzirakarengane z’abaturage.

Intambara mu karere k’imisozi miremire ya Fizi, mwenge ndetse na Uvira ikaba igiye kumara imyaka igera kuri 3, guhera mu kwezi kwa kane mu 2017. Abaturage batari bake bakaba bamaze kuhasiga ubuzima, imihana iratwikwa ndetse n’ amatungo aranyagwa. Iyi mirwano ikaba yarakomeye cane nyuma yaho ihuriwemo n’imitwe myinshi yitwara gisirikare; imwe ivuye mu gihugu c’urwanda n’ Uburundi, ndetse n’indi yari isanzwe mu gihugu.

 

PLEASE ADVERT WITH US
Sangiza Abandi Inkuru

1 thought on “Ababyeyi babiri biciwe mu Minembwe n’ Iyinga bashinguwe, byari agahinda kavanze n’akababaro

  1. Birababaje cyane kubona abantu bazira akarengane bakicwa ka ingabo za Leta zirebera. Ntekereza ko nabo ubwabo bagombye kubibazwa n’ ubutabera bwa gisirikare.

Leave a Reply

Tanga Ibitekerezo.

Your email address will not be published. Required fields are marked *